Қош келдіңіз Гость | RSS



Тарих [3]Мәдениет [6]Руханият [18]
Әлеумет [21]Спорт [7]Тұлға [4]
Ауыл тынысы [5]Оқиға [6]Қоғам [16]
Елтану [2]Экология және табиғат [1]Білім мен ғылым [12]
Поэзия әлемінде [3]

Санақ

Басты » Мақала » Тарих

«Баянауыл» кітабы жарық көрді

Еліміздің кітап қоры өлкетану ісіне сүбелі үлес қосатын тағы бір тамаша кітаппен толықты. «Менің Отаным - Қазақстан» сериясымен «Фолиант» баспасынан «Баянауыл» атты кітап жарық көрді. Кітап авторы - тарих ғылымдарының докторы Жамбыл Артықбаев. Қасиетті өлкенің арғы-бергі тарихынан сыр шертетін, Баянауылдың барша ерекшеліктері, ел мен жердің бай шежіресі нақты дәйекті деректер арқылы жүйелі баяндалған кітапта өмірі осы өңірмен өзектес өрілген тұлғалар жайлы да тың деректер молынан берілген.

Кітаптың беташар рәсімінде сөз алған Еңбек және халықты әлеуметтік қорғау министрлігі Көші-қон комитетінің төрағасы Қабылсаят Әбішев: «Жалпы, Жамбыл Артықбаевтың еңбектерінде дәйектемелік басым,  сонысымен де құнды. Маған оның осы  «Баянауыл» кітабында да ел арасында айтылып жүрген аңыздарға дәйектемелік тұрғыдан талдау жасап, нақты ғылыми ой білдіргені ұнады. Кітаптың Қазақ тарихына тамызық болатындай тарихы бар», - деп, автордың еңбегін жоғары бағалады. Кітаптың беташарына қатысқан жазушы Дүкенбай Досжан да бұл еңбектің ғылыми негізде, жүйелі жазылғандығын атап көрсетті.

Кітаптың беташар кешінде жас әншілер Нұрболат Құсайынов пен Әсел Ботаевалар қазақтын дүлдүл өнерпаздары Жаяу Мұса мен Жарылғапбердінің әндерін әуелете шырқап, келушілердің көңілін серпілтті. 

Мейрам Мұқышев, Астана

Санат: Тарих | Қосқан: Отарка (06.08.2010)
Қаралды: 694 | Тегтер: Менің Отаным - Қазақстан | Рейтинг: 0.0/0
Всего комментариев: 0
Аты *:
Email:
Код *:

Павлодар облысы
әкімдігінің сайты

Екібастұз қалалық әкімдігінің сайты
  • Сарыарқа самалы



  • Екібастұз қ.

      © 2017